हात-पायाला मुंग्या का येतात?
शरीराच्या विविध अंगांना मुंग्या येणे ही एक सामान्य गोष्ट आहे. हात, पाय आणि खांदे या भागांवर मुंग्या येणे अधिक प्रमाणात दिसून येते. झोपताना, बसताना किंवा उभे राहताना याच अंगांवर सर्वाधिक भार पडतो. त्यामुळे थोड्या वेळासाठी हात-पायाला मुंग्या येणे मुंग्या येणे स्वाभाविक आहे. पण जर तुम्हाला वारंवार हात-पायाला मुंग्या येत असतील तर ते काहीतरी गंभीर आजाराचे लक्षण असू शकते.
विटामिनची कमतरता:
जर तुमच्या हात आणि पायांना वारंवार मुंग्या येत असतील तर तुमच्या शरीरात विटामिन बी 12 ची कमतरता असू शकते. यामुळे तुम्हाला थकवा आणि आळसही जाणवू शकतो.
Carpal Tunnel Syndrome (CTS):
दुखापत, फ्रॅक्चर, द्रवधारण, जास्त टायपिंग, ड्रिल सारख्या कंपन करणाऱ्या उपकरणांचा वापर यांमुळे Carpal Tunnel Syndrome (CTS) होऊ शकतो. यामुळे हाताच्या भागात सुन्नपणा, कमकुवतपणा येऊ शकतो आणि वस्तू पकडणे कठीण होऊ शकते.
गंभीर परिस्थितीत खालील लक्षणे दिसू शकतात:
- गरम आणि थंड संवेदना न जाणवणे
- मानेची नस आखडणे
- कमरेची नस आखडणे
- स्लिप डिस्क
मानेची नस आखडणे:
मानेची नस आखडल्यामुळे पाठीपासून पायापर्यंत किंवा मानेपासून हातापर्यंतच्या भागात मुंग्या येऊ शकतात किंवा तो भाग दुखू शकतो. चुकीच्या पद्धतीने बसणे, दुखापत यांमुळे मानेची किंवा कमरेची नस आखडू शकते आणि त्यामुळे हात-पायांमध्ये मुंग्या येऊ शकतात.
उपचार:
जर तुम्हाला वारंवार मुंग्या येत असतील तर तुम्ही डॉक्टरांचा सल्ला घ्यावा. डॉक्टर तुमच्या त्रासाचे कारण शोधून योग्य उपचार करतील. हीलिंग हॅन्ड्स फिजिओथेरपी ऑस्टिओपॅथी व आयुर्वेद सेंटर मध्ये ड्राय नीडलिंग, ऑस्टिओपॅथी, कैरोप्रॅक्टिक सारख्या उपचारांमुळे तुम्हाला आराम मिळू शकतो.
डॉ. नेहा सिंग रोडा
फिजिओथेरेपिस्ट, हीलिंग हॅन्ड्स फिजिओथेरपी ऑस्टिओपॅथी व आयुर्वेद सेंटर